Woh Kitni Achi Ladki Thi -Tum Jissey Mohabbat Karte They

Woh Kitni Achi Ladki Thi -Tum   Jissey Mohabbat Karte They
Kuch Bholi Si Kuch Chanchal Si-Tum Jissey Mohabbat Karte They
Woh Bolti Thi Tum Suntey They-Tum Suntey The Aur Hanstey They
Woh Kitni Achi Larki Thi  Tum Jissey Mohabbat Karte They
Tum Usko Sataya Kartey The Woh Tumse Khafa Hojati Thi
Tum Usko Manaya Kartey The Kuch Nazmein Sunaya Kartey The
Kuch Raaz Bataya Kartey The Woh Kitni Achi Larki Thi
Jab Door Kahin Tum Jaatey The Woh Aankhain Nam Karleti Thi
Maathey Pe Shikan Le Aati Thi Honton Se Bhaley Kuch Na Boley
Aankhon Se Hi Sab Keh Jaati Thi Woh Deep Jalaya Karti Thi
Dawazey Ki Mundairon Pe Woh Sapney Dekha Karti Thi
Roshan Din Ke Ujalon Mein Woh Raat Ko Roya Karti Thi
Woh Khat Jab Tumko Likhti Thi Sab Acha Hai Yeh Kehti Thi
Woh Dil Ka Haal Na Kehti Thi Chup Rehti Thi Sab Sehti Thi
Aur Khat Ke Aakhir Mein Aksar Ek Dil Ko Banaya Karti Thi
Tum Khat Ko Poora Parhtey The Phir Parhtey The Phir Parhtey The
Har Ek La-Faz Ko Chotey The Har Ek Ibarat Peetay The
Aur Khat Ke Koney Ko Apney Honton Se Lagaya Kartey The
Aankhon Pe Tikaya Kartey The Maathey Pe Sajaya Karte The
Seenay Se Lagaya Kartey The Ek Roz Achanak Aisa Hua
Koi Khat Na Tumhey Mausool Hua Koi Dil Na Tumhare Seenay Laga 
Koi Ek Ibarat Bhi Na Tumhe Peenay Ko Mili Choney Ko Mili
Tum Rakht E Safar Ko Baandh Ke Phir Manzil Ko Chalye Aur Chaltey Gaye
Jab Pohanchay Tu Maloom Hua Jo Aankhain Nam Karleti Thi
Jo Chanchal Thi Jo Saada Thi Jo Tumse Rotha Karti Thi
Jo Dheemay Dheemay Lehjay Se Dil Mein Ek Aag Lagati Thi
Jo Deep Jalaya Karti Thi Jo Aas Lagaya Karti Thi
Jo Khat Ke Koney Pe Aksar Ek Dil Ko Banaya Karti Thi
Woh Larki Tumko Chorr Chali Woh Larki Yaadon Ko Saari
Ek Pal Mein Bhula Kar Chorr Chali
Tum Kitney Pagal Larke The Tum Ussey Mohabbat Karte The
Tum Kitney Pagal Larke The Tum Ussey Mohabbat Karte The